香港建築的落後，未能配合汽車及未來發展！
近年全球各地不少城市都積極將建築設計與未來交通、智慧生活接軌，無論係智能泊車、無人機送貨、以至 AI 智能家居系統，已經成為高端住宅甚至一般社區標準配備。但反觀香港，呢個自稱國際城市，建築設計思維仍然停留喺舊時代，連基本停車場位都嚴重不足，更遑論支援現代汽車生活。
例子 1：美國 Porsche Design Tower Miami
呢座位於美國邁阿密、由 Porsche Design 打造嘅豪宅，最大賣點係「車入屋」。住戶可以直接駕車上自己單位，透過一個名為 Dezervator 嘅專利車用升降機系統，將車連人送到單位旁邊私人車房。整個過程唔使落車，唔使等電梯，車主可以真正享受車與家的無縫結合，呢種高端設計早已成為當地頂級樓盤標準。
例子 2：內地 4.0 住宅 — 珠海「華發珠海灣」
中國內地新興城市例如珠海，已推行所謂 4.0 住宅。以「華發珠海灣」為例，每個單位設有特大陽台，專為無人機送貨、外賣、快遞而設計，真正做到智慧生活。而全屋亦配備華為智能家居系統，控制燈光、冷氣、電視、窗簾等，為住戶帶來極致智能體驗。
香港現況：停車場嚴重不足，配套零未來感
對比以上例子，香港住宅發展幾乎完全停滯不前。大部分新樓盤停車位配額極少，即使有，車位價錢天價，一個車位動輒 200-300 萬，管理費又高，但停車位數量卻跟唔上車主需求。更可笑係，咁貴嘅管理費，落貨位都唔夠，外賣速遞、接送家人都要喺馬路邊違泊，然後政府用罰款來懲罰市民，完全係不仁政策。
缺乏前瞻性，錯過未來發展機遇
當全球城市努力將住宅與汽車生活結合，推動智慧社區，香港卻仍然沉醉於高樓價、高地價模式，缺乏前瞻性規劃。政府無強制新建樓宇需配備合理停車配額、無人機配送點、或智能家居系統，錯失數碼城市機遇。
總結：Hong Kong Property Developers Suck: No Parking, No Smart Living, No Vision! 香港需要革新建築思維
如果香港真心想保持國際城市地位，新鴻基地產(SHKP)、恒基兆業地產、長江實業集團及新世界發展等應該學習 Porsche Design Tower、內地 4.0 智慧住宅做法，將住宅與汽車生活、智慧物流、AI 系統結合，為未來交通與生活方式作好準備。否則，再高嘅樓，賣緊嘅都只係落後嘅石屎森林。
